नायगाव, रामप्रसाद चन्नावार| आयोध्या मध्ये 22 जानेवारी २०२४ रोजी श्रीराम मंदिराची प्राणप्रतिष्ठा होणार असून जिल्ह्यातील सर्व मंदिरावर लाइटिंग, तसेच नागरिकांनी आपल्या घरापुढे दिवे लावून दिवाळी साजरी करावा असे आवाहन भाजपाचे प्रदेश कार्यकारणी सदस्य बालाजी बच्चेवार यांनी केले आहे.
भाजपाचे प्रदेश कार्यकारिणी सदस्य बालाजी बच्चेवार यांनी एका पत्रकाद्वारे जिल्ह्यातील सर्व समाजाच्या नागरीकांना आवाहन केले असून पत्रात म्हटले आहे की 22 जानेवारी रोजी,सकाळी 11.00 ते दुपारी 1.00 वाजेपर्यंत सर्व राम भक्तांनी त्यांच्या गावात, शहर, परिसर, वसाहत या ठिकाणी असलेल्या कोणत्याही मंदिरात जमून भजन आणि कीर्तन करावे. मोठ्या पडद्यावर एकत्र अयोध्येचा प्राण-प्रतिष्ठा महोत्सव पहा. शंखनाद करा, घंटा वाजवा आणि प्रसाद वाटावा.
सर्व मंदिरांमध्ये असलेल्या देवी, देवतांची, भजन कीर्तन,आरती पूजा करावी.”श्री राम जय राम जय जय राम” विजय महामंत्राचा जप एकत्रितपणे १०८ वेळा करावा. तुम्ही एकत्रितपणे हनुमान चालिसा, सुंदरकांड, रामरक्षा स्तोत्र इत्यादी पाठ करू शकता. मंदिरे चांगली सजवून त्याठिकाणी दिपोस्तव साजरा करावा. तुम्ही तुमचे घर चांगले सजवू शकता, जसे की तोरण, रांगोळी, इ. तुम्ही तुमच्या परिसरातील सर्व हिंदू घरांमध्ये भगवा ध्वज लावू शकता.शक्य असल्यास, आपण भंडारा देखील आयोजित करू शकता.
सूर्यास्तानंतर देवांना प्रसन्न करण्यासाठी आपल्या घरासमोर दिवा लावा, दीपमाळा सजवा, दिव्यांचा सण साजरा करा. प्रत्येक मंदिर समिती आणि पुजारी यांच्यासमवेत बसून 22 जानेवारी च्या तयारीमध्ये जास्तीत जास्त समाजाचा सहभाग सुनिश्चित करता येईल श्रीराम मंदिर प्राणप्रतिष्ठा मोठ्या प्रमाणात साजरी करावी असे आव्हान भाजपा प्रदेश कार्यकारणी सदस्य बालाजी बच्चेवार यांनी नागरिकांना व भाजपा कार्यकर्त्यांना केले आहे.
