श्रीक्षेत्र माहूर, इलियास बावानी| महसूल विभागाने जिल्हास्तरीय महसूली कामे वेळच्या वेळी पूर्ण करुन त्यानुसार अभिलेख अद्ययावत करणे, वसुलीच्या नोटीसेस पाठविणे, मोजणी करणे, अपील प्रकरणांची चौकशी करणे इ. कामे वेळच्यावेळी व वेळापत्रकानुसार करणा-या अधिकारी/कर्मचा-यांचा आणि महसूल वसुलीचे उदिष्ट पार करणा-या अधिकारी/कर्मचा-यांचा सत्कार करण्याकरीता आणि महसूल विभागाने केलेल्या कामकाजाचा आढावा जनतेसमोर ठेवण्याकरीता दरवर्षीप्रमाणे दि १ ऑगस्ट, २०२५ हा “महसूल दिन” म्हणून राज्यभर साजरा करण्यात यावा. तसेच, यावर्षी महसूल दिनापासून दि १ ते ७ ऑगस्ट, २०२५ या कालावधीत राज्यभरात “महसूल सप्ताह साजरा करण्यात यावा. असे आदेश असल्याने तहसीलदार मुगाजी काकडे यांनी माहूरच्या तहसील कार्यालयात महसूल सप्ताहाचे आयोजन केल्याने या कार्यक्रमात सर्वांनी उपस्थित रहावे असे आवाहन तहसीलदार मुगाजी काकडे यांनी केले आहे
या महसूल सप्ताहामध्ये, प्रत्येक दिवशी जिल्हाधिकारी कार्यालया मार्फत समाजाच्या विविध घटकांतील नागरिकांसाठी पुढीलप्रमाणे विशेष मोहिम कार्यक्रम उपक्रम शिबीरे महसूल अदालती यांचे आयोजन करण्यात यावे. सदर “महसूल सप्ताह” मध्ये घ्यावयाच्या कार्यक्रमाचा तपशील शासन निर्णयासोबतच्या परिशिष्ट येथे नमुद केल्याप्रमाणे असून सर्व विभागीय आयुक्त जिल्हाधिकारी कार्यालयांनी त्याप्रमाणे उचित कार्यवाही करावी.या कार्यक्रमाचे स्वरुप पुढील प्रमाणे आहे.
“महसूल दिन साजरा करणे व महसूल सप्ताह शुभारंभ” “महसूल संवर्गातील कार्यरत/सेवानिवृत्त अधिकारी कर्मचारी संवाद उत्कृष्ट अधिकारी कर्मचारी पुरस्कार वितरण व मान्यवरांच्या हस्ते लाभार्थ्यांना विविध प्रमाणपत्र वितरण समारंभ”
“शासकीय जागेवर सन २०११ पूर्वीपासून रहिवासी प्रयोजनार्थ अतिक्रमण असलेल्या कुटूंबांपैकी अतिक्रमण नियमानुकूल करण्यास पात्र असलेल्या कुटुंबांना सदर अतिक्रमित जागांचे पट्टे वाटप करणेबाबत कार्यक्रम””पाणंद शिवरस्त्यांची मोजणी करुन त्यांच्या दुतर्फा झाडे लावणे”छत्रपती शिवाजी महाराज महाराजस्व अभियान प्रत्येक मंडळनिहाय राबविणे विशेष सहाय्य योजनेतील डीबीटी न झालेल्या लाभार्थ्यांना घरभेटी करुन डीबीटी करुन अनुदानाचे वाटप करणे.
शासकीय जमिनींवरील अतिक्रमणे निष्कासित करणे व त्या अतिक्रमणमुक्त करणे तसेच शर्तभंग झालेल्या जमिनींबाबत शासन धोरणानुसार नियमानुकूल करणे सरकारजमा करणे निर्णय घेणे एम सॅंड धोरणाची अंमलबजावणी करणे व नवीन मानक कार्यप्रणाली प्रमाणे सोप प्रमाणे)ल धोरण पूर्णत्वास नेणे आणि महसूल सप्ताह सांगता समारंभ घेणे यासह इतरही कार्यक्रम या महसूल सप्ताहात होणार असल्याने या सर्व कार्यक्रमाचा लाभ नागरिकांनी घ्यावा असे आवाहन तहसीलदार मुगाजी काकडे यांनी केले आहे.
