नांदेड| गेल्या अनेक वर्षांपासून प्रलंबित असलेल्या मराठा आरक्षणचा प्रश्न मार्गी लावून मराठा समाजाला न्याय द्यावा, अशी मागणी नांदेड दक्षिणचे आमदार मोहनअण्णा हंबर्डे यांनी मंगळवारी विधानसभेत केली.
नागपूर येथील हिवाळी अधिवेशनातही मराठा समाजाच्या आरक्षणाचा मुद्दा उपस्थित झाला असून त्यावर मंगळवारी चर्चा झाली. आ. हंबर्डे यांनीही आपल्या मुद्देसुद व आक्रमक भाषणाच्या माध्यमाततून मराठा आरक्षणाचा मुद्दा उपस्थित करून या गंभीर व जिव्हाळ्याच्या प्रश्नाकडे शासनाचे लक्ष वेधले.समाजाला आरक्षण देण्याचे शासनाने आश्वासन दिले असून त्याची तात्काळ पुर्तता करावी आणि आरक्षण जाहीर करावे, अशी मागणी त्यांनी केली.
मराठा समाजाला आरक्षण मिळावे यासाठी गेल्या अनेक दिवसांपासून जीवाचे रान करणारे मराठा योद्धा मनोज जरांगे पाटील एका जाहीरसभेत भाषण करतांना भुरळ येवून खाली बसले. ते सध्या आंबाजोगाई येथील रुग्णालयाता दाखल असून त्यांच्या तब्येतीचीही शासनाने काळजी घ्यावी, अशीही मागणी आ. हंबर्डे यांनी केली.
