हिमायतनगर। स्त्री शिक्षणासाठी उभे आयुष्य वाचणारे महात्मा ज्योतिबा फुले यांची जयंती हिमायतनगर येथील महात्मा फुले सभागृहात माळी समाज बांधवांच्या वतीने श्री परमेश्वर मंदिर ट्रस्टचे उपाध्यक्ष महावीरचद श्रीश्रीमाळ यांच्या अध्यक्षतेखाली महात्मा ज्योतिबा फुले यांच्या प्रतिमेला पुष्पहार अर्पण करून साजरी करण्यात आली.

सुरुवातीला येथील सभागृहात असलेल्या महात्मा ज्योतिबा फुले यांच्या पूर्णाकृती पुतळ्यास पुष्पहार अर्पण करून अभिवादन करण्यात आले, त्यानंतर सभागृहात जयंतीनिमित्त महात्मा फुले यांच्या प्रतिमेस मान्यवरांनी पुष्पहार अर्पण केले. याप्रसंगी सेवानिवृत्त मुख्याध्यापक सुरेश गडपाळे, तुकाराम अडबलवाड गुरुजी यांनी महात्मा ज्योतिबा फुले यांचे जीवन चरित्र व समाजासाठी केलेल्या कार्यावर प्रकाश टाकला. तसेच उपस्थित मान्यवरांचा स्वागत सत्कार करण्यात आला.

यावेळी काँग्रेसचे तालुकाध्यक्ष गजानन सूर्यवंशी, सरपंच संघटनेचे तालुकाध्यक्ष परमेश्वर गोपतवाड, अनंतराव देवकते, अनिल मादासवार, विलास वानखेडे, संजय माने, विठ्ठलराव फुलके, बाजार समितीचे संचालक सुभाष शिंदे, रामराव सुर्यवंशी, दता काळे, सदानंद ढगे, मारोतराव हेद्रे, सचिव मायबा होळकर, परमेश्वर वानखेडे, बौद्ध महासभेचे तालुकाध्यक्ष प्रताप लोकडे, संदिप तुप्तेवार, वाघमारे सर, भारत डाके, दळवी पाटील, श्री मुनेश्वर, पापा पार्डीकर, यांच्यासह अनेकांची उपस्थिती होती. जयंती कार्यक्रमाचं सुरेख सूत्रसंचालन सुभाष शिंदे यांनी केलं तर उपस्थित सर्वांच आभार मायबा होळकर यांनी मानले.

Share.

या वृत्तवाहिनी/पोर्टलवर प्रकाशित झालेल्या बातम्या जश्यास तश्या कॉपी करून प्रकाशित केल्या तर संबंधित संस्था, व्यक्ती कॉपीराइट कायद्यानुसार जबाबदार राहतील. वृत्तवाहिनी वृत्त वेबसाइटवर प्रकाशित झालेल्या जाहिराती, बातम्या, लेख किंवा मजकुराचे पुनरावलोकन करू शकत नाही. त्यामुळे दिग्दर्शक/संपादक कदाचित त्याच्याशी सहमत नसतील. याद्वारे उद्भवणाऱ्या कोणत्याही प्रकरणासाठी संबंधित लेखक, वार्ताहर, प्रतिनिधी आणि जाहिरातदार पूर्णपणे जबाबदार असतील. या वेबसाइटवर प्रकाशित झालेल्या बातम्या किंवा मजकुराबद्दल उद्भवणारे कोणतेही वाद हिमायतनगर न्यायालयांच्या अधीन असतील.

Leave A Reply

error: Content is protected !!
Exit mobile version