हिमायतनगर। येथील व्यापारी संजय पेन्शनवार यांचे चिरंजिव स्नेहींत पेन्शनवर याने सण २०२३ मध्ये वैद्यकीय क्षेत्रातील भोकर,हदगाव, हिमायतनगर या तिन्ही तालुक्यातून NEET परीक्षेत प्रथम येण्याचा बहुमान मिळविला आहे. सध्या स्नेहित पेन्शनवर KEM हॉस्पिटल मुंबई येथे एमबीबीएसचे शिक्षण घेत आहे.
वैद्यकीय क्षेत्रात गुणवंत विद्यार्थ्यांचा सत्कार कार्यक्रमाचे आयोजन हदगाव तालुक्यातील येवली येथील श्री रामधन राठोड सर (नांदेड येथील स्किन स्पेशालिस्ट डॉ .राठोड यांचे वडील) यांनी भोकर,हदगाव, हिमायतनगर या तिन्ही तालुक्यातून NEET परीक्षेत प्रथम येणाऱ्या विद्यार्थाला पुरस्कार जाहीर केला होता. त्यामध्ये “स्नेहीत संजय पेन्शनवार” हा पुरस्काराचा मानकरी ठरला आहे.
21 हजार रुपयाचा धनादेश व सन्मान चिन्ह देऊन ग्राम पंचायत येवली ता. हदगाव यांच्या मार्फत पेन्शनवार कुटुंबातील सदस्य सौ. वैशाली संजय पेन्शनवार या दाम्पत्याचा स्वागत करून पुरस्कार देऊन गौरविण्यात आले आहे. स्नेहीतने मिळविलेल्या या यशाचे सर्व स्तरातून कौतुक केले जात असून, विद्यार्थ्यांनी जिद्द व चिकाटीने अभ्यास केल्यास यश नक्कीच मिळेल अख्या शब्दात इतर विद्यार्थ्यांनी स्नेहीतचा आदर्श डोळ्यासमोर ठेऊन शिक्षण घ्यावे असे आवाहन या करण्यात आले आहे.
