नांदेड। पोलीस अधीक्षक श्रीकृष्ण कोकाटे अविनाश कुमार, अपर पोलीस अधिक्षक नांदेड यांनी दिलेल्या आदेशाने रेकॉर्ड वरील पाहिजे, फरारी आरोपीतांचा शोध घेवुन अवैध धंद्यावर कार्यवाही करणे व संशईत हालचालीवर लक्ष ठेवणे करीता गेलेल्या नांदेड पोलीसांनी एक गावठी पिस्टल दोन जिवंत काडतुस जप्त करुन उल्लेखनिय कामगिरी केली आहे,.
पोलीस अधीक्षक श्रीकृष्ण कोकाटे अविनाश कुमार, अपर पोलीस अधिक्षक नांदेड यांनी आदेशीत केल्याप्रमाणे सुशीलकुमार नायक, उपविभागीय पोलीस अधिकारी, उपविभाग इतवारा यांच्या मार्गदर्शन व सुचनेवरुन उपविभाग इतवारा गुन्हे शोध पथकातील पोलीस अंमलदार पोना/अर्जुन मुंडे, पोकों/ चंद्रकांत स्वामी, संतोष बेल्लुरोड, श्रीराम दासरे, सायबर शाखेचे पोहेकों / राजेद्र सिटीकर यांनी दिनांक 29/05/2024 रोजी रात्री 14.25 वाजताच्या सुमारास नाव घाट गोदावरी नदी पात्रात इतवारा नांदेड येथे मिळालेल्या गोपनीय माहितीवरुन छापा टाकुन आरोपी नामे गिरीश गोपाळराव जाधव वय 24 वर्षे व्यवसाय मजुरी रा.इतवारा नांदेड यास ताब्यात घेतले.
यावेळी त्याच्या ताब्यात विनापरवाना बेकायदेशीर बाळगलेले 01 गावठी पिस्टल व 02 जिवंत काडतुस मिळुन आल्याने ते जप्त केले आहेत. यावरुन पोलीस स्टेशन इतवारा गुन्हा नोंद क्रमांक 184/2024 कलम 3/25, शस्त्र अधिनियम प्रमाणे गुन्हा नोंदविण्यात आला असुन पुढील तपास पोउपनि श्री सहाय्यक पोलीस निरीक्षक संग्राम जाधव करीत आहेत.
सदर कार्यवाही बाबत मा. श्री. श्रीकृष्ण कोकाटे, पोलीस अधिक्षक नांदेड, मा.श्री. अबिनाश कुमार, अपर पोलीस अधिक्षक नांदेड व ईतर वरिष्ठांनी गुन्हे शोध पथक उपविभाग इतवारा यांचे कौतुक केले आहे.
