नांदेड। भारत सरकारच्या सुक्ष्म, लघु आणि मध्यम उद्योग विभागात मराठवाडा पश्चिम विभागाच्या उपाध्यक्षपदी धनंजय प्रल्हादराव सोळंके यांची निवड झाल्याने सर्व स्तरातील नागरिक व पत्रकार, व्यावसायिक व्यक्तीकडून अभिनंदन केले जाते आहे.
भारत सरकारच्या सुक्ष्म, लघु आणि मध्यम उद्योग विभागात मराठवाडा पश्चिम विभागाच्या उपाध्यक्षपदी मालेगाव चे भूमिपुत्र व हुतात्मा बहिर्जी स्मारक विद्यालयाचे ज्येष्ठ शिक्षक प्रल्हादराव नटवरलाल सोळंके यांचे ज्येष्ठ चिरंजीव धनंजय सोळंके (पत्रकार) यांची नेमणूक करण्यात आली आहे. भारत सरकारच्यावतीने अग्रणी, आधुनिक आणि आत्मनिर्भर भारत या संकल्पनेतून सुक्ष्म, लघु आणि मध्यम उद्योग यांना प्रोत्साहन देण्यासाठी स्वतंत्र मंत्रालयाची स्थापना करण्यात आली.
या नियुक्तीबद्दल बोलतांना धनंजय सोळंके म्हणाले की, देशातील छोटे-छोटे उद्योग करणाऱ्या व्यक्तीगत लोकांना मदत मिळावी या हेतूने मी काम करणार आहे. सोबतच सामाजिक क्षेत्रात केंद्र सरकारने दिलेली ही योजना सर्व सामान्य माणसापर्यंत कशी पोहचेल यासाठी प्रयत्न करणार आहे. त्यांच्या या नियुक्तीचे सर्वत्र कौतुक होत असून सर्व पत्रकार मित्र परिवार सुध्दा त्यांना मिळालेल्या नियुक्तीसाठी त्यांचे अभिनंदन करून भविष्यातील कामासाठी शुभकामना देत आहे.
