बिलोली, गोविंद मुंडकर। बिलोली तालुक्यातील सगरोळी येथे आज दि.२६/२०२४ मे रोजी सगरोळी शासकीय रेती घाट क्र.०२ सगरोळी येथून घरकूल लाभार्थी श्री दत्तु शंकरराव मनधरणे रा.केसराळी ता.बिलोली जि.नांदेड हे घर बांधकामासाठी वाहन परवाना क्र.etp No १७८४९६१३ वाहन क्र.एम. एच.०४ एफ.जे ९७०९ ह्या वाहनाने घरकूलसाठी ०५ ब्रास रेती घेऊन जात असताना सगरोळी येथील श्री गंगाधर शक्करवार यांच्या आडत दुकानाजवळ केसराळीकडे जाणाऱ्या कॉर्नर वर दुचाकी वाहनास अपघात झाला. आपघातात हिप्परगा थडी येथील युवक व सगरोळी येथील युवक यांचा जागीच दुर्देवी मृत्यू झाला आहे.
वाळू डेपो क्रमांक दोन मधून भरून निघालेले हायवा क्रमांक एम एच ०४ एफ.जे.९७०९ हे सगरोळी येथून केसराळीकडे जात असताना समोरून येत असलेल्या दुचाकी क्रमांक टी.एस.१६ इ.वाय. ८६७८ ला जोराची धडक दिली या धडकेत दुचाकी वरील मोईन वजीरसाब शेख वय (३५ )राहणार हिप्परगा तालुका बिलोली व नवीन संग्राम पवार वय (२५ )रा. सगरोळी या दोघांचा जागेवरच मृत्यू झाला आहे.
बिलोली तालुक्यात सध्या वाळू डेपोच्या नावाखाली शासनाने दिलेल्या अटी व शर्तीचे उल्लंघन करीत ठेकेदार मंडळी रात्रंदिवस अवैधरित्या वाळूचे उत्खनन करीत याकडे प्रशासन अर्थपूर्ण दुर्लक्ष करीत आहे.
