नवीन नांदेड। रयतेचे राजे कुळवाडी भूषण ,बहुजन प्रतिपालक छत्रपती शिवाजी महाराज यांच्या जयंतीच्या निमित्ताने दिनांक ११ फेब्रुवारी रोजी दुपारी तीन वाजता जिजाऊ सृष्टी सिडको येथे ‘परफेक्ट सुनबाई -खेळ पैठणीचा’ या कार्यक्रमाचे आयोजन करण्यात आले आहे.
सार्वजनिक शिवजन्मोत्सव समिती, मराठा सेवा संघ,जिजाऊ ब्रिगेड व शिक्षण महर्षी डॉक्टर पंजाबराव देशमुख राष्ट्रीय शिक्षण परिषदेच्या वतीने ‘परफेक्ट सुनबाई- खेळ पैठणीचा’ या कार्यक्रमाचे उद्घाटन सामाजिक कार्यकर्त्या राजश्रीताई पाटील,आशाताई शिंदे, मीनलताई खतगावकर ,प्रणिताताई देवरे चिखलीकर ,वत्सलाताई पुयड, विद्याताई पाटील,अरुणाताई जाधव व शशिकलाताई बिरादार यांच्या हस्ते होणार आहे. ‘परफेक्ट सुनबाई खेळ पैठणीचा’ या कार्यक्रमाचे निवेदन चला हवा येऊ द्या फेम सुप्रसिद्ध निवेदक सतीश कासेवार हे करणार असून दि. ११ फेब्रुवारी रोजी सकाळी ८.३० वाजता जिजाऊ सृष्टी येथे सामान्य ज्ञान स्पर्धा प्राथमिक व माध्यमिक गटात होणार आहेत.
या सोहळ्याला परिसरातील महिला,युवतीने व शालेय विद्यार्थ्यांनी उपस्थित रहावे,असे आवाहन शिवजन्मोत्सव समिती सिडको अध्यक्ष दिगंबर शिंदे व सार्वजनिक शिवजन्मोत्सव समिती पदाधिकारी सिडको यांच्या वतीने करण्यात आले आहे.
