नृसिंह नरोबा मंदिर कौठा येथे शिव पुराण कथा व नृसिंह जन्मोत्सव सप्ताह आयोजन

नवीन नांदेड। श्री नृसिंह नरोबा मंदीर बसवेश्वर नगर जुना कौठा नांदेड येथे अखंड हरिनाम सप्ताह शिवपुराण कथा व श्री नृसिंह जन्मोत्सव सोहळा कार्यक्रम निमित्त १५ ते २२ मे पर्यतं विविध धार्मिक कार्यक्रम आयोजित करण्यात आले असून शिव पुराण कथा प्रवक्ता हभप बालाजी महाराज गुडेवार यांच्या सूमधुर वाणीतून दररोज दुपारी १ ते ४ दरम्यान आयोजित करण्यात आला.

नृसिंह जन्मोत्सव निमित्ताने महाअभिषेक व श्री मिरवणूक, आरती व जन्मोत्सव महाआरती आयोजित करण्यात आली असून जिल्हा परिषद बळीरामपुर सर्कल नांदेड चे गंगाप्रसाद काकडे यांच्या वतीने २२ मे रोजी दुपारी १२ वाजता महाप्रसाद आयोजित करण्यात आला आहे. दरवर्षी प्रमाणे याही १४व्या वर्षी १५ ते २२ मे दरम्यान शिवपुराण कथा दररोज दुपारी १ ते ४ दरम्यान व श्री नृसिंह जन्मोत्सव निमित्ताने सप्ताहातील दैनिक कार्यक्रम काकडा पहाटे ५ ते ६,अभिषेक सकाळी ६ ते ७ ज्ञानेश्वर पारायण सकाळी ७ ते १०,गाथा भजन सकाळी १० ते १२ ,शिवमहापुराण कथा दुपारी १ ते ४ ,हरिपाठ सायं. ५ ते ७ होणार आहे.

दररोज रात्री ८ ते १० हारी किर्तनकार आयोजित करण्यात आले असून दि.१५ ह.भ.प.श्री माधव महाराज येलूरकर,१६ रोजी ह.भ.प.श्री परमेश्वर महाराज शहापूर, १७ रोजी ह.भ.प.श्री गंगाधर महाराज वसूरकर दि.१८ ह.भ.प.सौ.मैनाताई हिंपळनारीकर, दि.१९ ह.भ.प.श्री तुकाराम महाराज मंडगीकर, दि.२० ह.भ.प.श्रीदता महाराज महाराज वळसंगवाडी दि.२१ रोजी ह.भ.प.श्री बालाजी महाराज गुडेवार यांच्ये किर्तन आयोजित करण्यात आले आहे.

नृसिंह जन्मोत्सव निमित्ताने २१ मे रोजी सकाळी महा अभिषेक, महाआरती श्री मिरवणूक,आदी कार्यक्रम तर २२ मे रोजी दुपारी १२ वाजता मंदिर अध्यक्ष तथा माजी जिल्हा परिषद सदस्य बळीरामपुर गंगाप्रसाद काकडे यांच्या वतीने महाप्रसाद आयोजित करण्यात आला आहे. या सप्ताहयात भाविक भक्तांनी मोठया संख्येने उपस्थित राहण्याचे आवाहन मंदिर विश्वस्त समिती व पुजारी व्यंकटेश गुरू यांनी केले आहे.