उस्माननगर, माणिक भिसे। येथून जवळच असलेल्या मौजे कलंबर ता.लोहा येथील समाज उन्नती शिक्षण संस्थेचे संस्थापक सचिव कै. निवृत्तीराव पाटील घोरबांड यांच्या जयंती निमित्त ४ जानेवारी २०२४ रोजी गुरूवारी सकाळी अकरा वाजता किर्तनकार ह .भ.प. कु. ज्योतीताई धनाडे ( ब्रम्हानाथ नगर , जालना ) यांच्या हरी किर्तनाचे आयोजन व शाळेतील गुणवंत विद्यार्थ्यांच्या सत्काराचे आयोजन संजय गांधी माध्यमिक व उच्च माध्यमिक विद्यालयाच्या प्रांगणात आयोजित करण्यात आले आहे.
यावेळी या कार्यक्रमाचे अध्यक्ष मा. डॉ. विश्वांभरराव गंगाधरराव पवार ( उपाध्यक्ष – समाज उन्नती शिक्षण संस्था कलंबर ) हे राहणार आहेत. तर प्रमुख पाहुणे म्हणून मा. श्री. मारोतीराव निवृत्तीराव पाटील घोरबांड ( अध्यक्ष :- समाज उन्नती शिक्षण संस्था कलंबर ) मा. श्रीमती मुद्रिकाबाई निवृत्तीराव पाटील घोरबांड ( सचिव :- समाज उन्नती शिक्षण संस्था कलंबर ) ,मा.डाॅ. सौ. सुरेखाताई विश्वांभरराव पवार ( सदस्य , समाज उन्नती शिक्षण संस्था कलंबर) यांच्यासह गावातील प्रतिष्ठित नागरिक उपस्थिती राहणार आहेत.
दरवर्षीप्रमाणे याही वर्षी कैलासवासी निवृत्ती राव पाटील घोरबांड यांच्या जयंती सोहळ्याच्या अनुषंगाने शाळेतील चौथी , दहावी , बारावी गुणवंत विद्यार्थ्यांचा येतोचित संस्थेच्या वतीने सन्मान मान्यवरांच्या हस्ते यावेळी करण्यात येणार आहे. दि.४ जानेवारी रोजी गुरूवारी सकाळी ११ वा. कीर्तनकार ह.भ. परायण कु. ज्योतीताई धनाडे यांच्या कीर्तनाचे आयोजन करण्यात आले आहे. त्यानंतर महाप्रसादाचे आयोजन करण्यात आले आहे. पंचक्रोशीतील शिक्षणप्रेमी व भाविक भक्तांनी कीर्तनाचा व महाप्रसादाचा आस्वाद घ्यावा असे आवाहान मुख्याध्यापक ,अध्यापक , शिक्षकवृंद , शिक्षकेत्तर कर्मचारी ,संजय गांधी मा. व उच्च मा. विद्यालय कलंबर, संजय गांधी वरिष्ठ महाविद्यालय कलंबर ,कै.बळीराम पाटील प्राथमिक शाळा,भोपाळवाडी ता.लोहा यांनी केले आहे.
