नांदेडमहाराष्ट्र

रेल्वे स्थानकाच्या बोर्डावर “हिमायतनगर (वाढोणा)” असे नाव लिहीण्यात यावे

हिमायतनगर, परमेश्वर काळे| हिमायतनगर रेल्वे स्थानकाच्या बोर्डावर हिमायतनगर कंसात वाढोणा म्हणजे “हिमायतनगर (वाढोणा)” असे नाव लिहीण्यात यावे. अशी मागणी एका निवेदनाद्वारे सामाजिक कार्यकर्ते दशरथ हेंद्रे यांनी के नागभूषण यांच्या माध्यमातून केली आहे.

हिमायतनगर शहराचे पुरातन कालीन नाव हे वाढोणा, वारणावती आहे. मात्र निजामाच्या काळात या भागातही शेतसारा वसूल करण्यासाठी येणारा हैद्राबाद येथील हिमयतअली राजाला खुश करण्यासाठी शहराचे नाव हिमायतनगर ठेवण्यात आले असल्याचे जुन्या काळातील नागरिक सांगतात. त्यामुळे हिमायतनगर शहराची ओळख जुन्या जाणकारांच्या मते वाढोणा म्हणून आहे. हि ओळख कायम स्मरणात राहावी यासाठी वाढोणा हे नाव सर्वाना लक्षात राहण्याजोगे आहे. हि बाब लक्षात घेऊन हिमायतनगर येथील सामाजिक कार्यकर्ते दशरथ किसनराव हेंद्रे यांनी रेल्वे अधिकारी के. नागभूषण यांना निवेदन देऊन हिमायतनगर शहराच्या वैभवात भर टाकण्यासाठी आणि शहराचे ऐतिहासिक महत्व अबाधित राहण्यासाठी रेल्वे स्थानकाच्या बोर्डावर हिमायतनगर शहराबरोबर कंसात वाढोणा म्हणजे “हिमायतनगर (वाढोणा)” असे नाव लिहावे जेणेकरून हिमायतनगर येथील शहराची इतिहासकालीन ओळख शाबूत राहील.

हिमायतनगर शहरात दिनांक २६ रोजी रेल्वे विभागाच्या वतीने प्रधानमंत्री नरेंद्र मोदी यांच्या हस्ते अमृत रेल्वे स्टेशन योजनेच्या माध्यमातून कायापालट करण्याच्या उद्देशाने कोट्यवधी रुपयाच्या निधीतून पुनर्विकास कामाचा शुभारंभ केला. यावेळी सामाजिक कार्यकर्ते दशरथ किसनराव हेंद्रे यांनी हि मागणी केली. या निवेदनाच्या प्रति त्यांनी पंतप्रधान नरेंद्र मोदी, रेल्वे मंत्री रावसाहेब दानवे, खासदार प्रतापराव पाटील चिखलीकर, खासदार अशोकराव चव्हाण, खासदार हेमंतभाऊ पाटील, खासदार अजित गोपछडे आदींसं संबंधितांकडे पाठविले आहे. याप्रसंगी श्री परमेश्वर मंदिर ट्रस्ट कमिटीचे उपाध्यक्ष महाविरसेठ श्रिश्रीमाळ, प्रतिष्ठीत व्यापारी गौतमसेठ पिंचा, शिवसेना तालुका प्रमुख रामभाऊ ठाकरे, नांदेड जिल्हा वैद्यकिय आघाडीचे प्रसाद डोंगरगावकर, भाजपाचे सरचिटणिस गजानन तुप्तेवार, भाजपाचे सरचिटणिस आशिष सकवान, भाजपा ता. अध्यक्ष गजानन चायल, मुख्यमंत्री जनकल्याण कक्षा कडुन ज्ञानेश्वर आधुडे, भाजपा युवा मोर्चा मा. ता. अध्यक्ष रामभाऊ सुर्यवंशी, शहर प्रमुख गजानन हरडपकर, चेयरमन गणेशराव शिंदे, लक्ष्मण डांगे, दुर्गेश मंडोजवार, यांचेसह शहरातील नागरीक, पत्रकार, रेल्वेचे अधिकारी कर्मचारी उपस्थित होते.

NewsFlash360 Staff

पाठको के लिये विशेष सूचना यदि इस समाचार चैनल/पोर्टल पर प्रकाशित समाचार की नकल की जाती है तो संबंधित संगठन, व्यक्ति कॉपीराइट कानून के अनुसार उत्तरदायी होंगे। कोई समाचार चैनल किसी समाचार वेबसाइट पर प्रकाशित विज्ञापनों, समाचारों, लेखों या सामग्री की समीक्षा नहीं कर सकता है। इसलिए हो सकता है कि निर्देशक/संपादक इससे सहमत न हों। इससे उत्पन्न होने वाले किसी भी मामले के लिए संबंधित लेखक, संवाददाता, प्रतिनिधि और विज्ञापनदाता पूरी तरह जिम्मेदार होंगे। इस वेबसाइट पर प्रकाशित समाचार या सामग्री के संबंध में उत्पन्न होने वाला कोई भी विवाद हिमायतनगर न्यायालयों के अधीन होगा।

Related Articles

Leave a Reply

Your email address will not be published. Required fields are marked *

Back to top button
error: Content is protected !!