नांदेड। प्रादेशिक परिवहन कार्यालयाच्यावतीने परिवहन्नेतर संवर्गातील मोटार सायकल वाहनांसाठी एमएच 26- सीके ही नवीन मालिका 6 ऑक्टोंबर 2023 पासून सुरू होत आहे. ज्या अर्जदारांना पसंती क्रमांक घ्यावयाचा आहे त्यांचे (आधार कार्ड, पॅन कार्ड, मोबाईल नंबर व ईमेलसह) अर्ज 5 ऑक्टोबर 2023 रोजी दुपारी 2.30 वाजेपर्यंत स्विकारण्यात येणार आहे. त्यानंतर पसंती क्रमांकासाठी अर्ज स्विकारण्यात येणार नाहीत.
ज्या पसंती क्रमांकासाठी एकापेक्षा जास्त अर्ज प्राप्त झाल्यास 6 ऑक्टोंबर 2023 रोजी सकाळी 10 वा. कार्यालयात त्याची यादी प्रदर्शित करण्यात येईल व टेक्स्ट मॅसेज द्वारे संबंधित अर्जदारास कळविण्यात येईल. याबाबत सर्वांनी नोंद घ्यावी, असे आवाहन प्रादेशिक परिवहन अधिकारी, नांदेड यांनी केले आहे.
