नांदेड| महाराष्ट्र शासन सांस्कृतिक कार्य संचलनालय आयोजित २० वी महाराष्ट्र राज्य बालनाट्य स्पर्धेची प्राथमिक फेरी नांदेड येथे बुधवार दिनांक १० जानेवारी ते ११ जानेवारी या दोन दिवसात कुसुम सभागृह येथे संपन्न झाली या स्पर्धेत नांदेड आणि परभणी जिल्ह्यातील एकूण ११ संघांनी उत्तम सादरीकरण केले..
स्पर्धेच्या पहिल्या दिवशी केंब्रीज माध्यमिक विद्यालय, नांदेडच्या वतीने “मिसिंग”, बालगंधर्व सांस्कृतिक, कला, क्रीडा व युवक मंडळ, परभणीच्या वतीने “सक्सेस अॅप”, ज्ञानभारती विद्यामंदिर, नांदेडच्या वतीने “बुद्धाची गोष्ट”, जिंतूर शिक्षण संस्था संचलित डॉ. सुभाषचंद्र राठी बालक विद्या मंदिर, जिंतूरच्या वतीने “मदर्स डे” नृसिंह माध्यमिक व उच्च माध्यमिक विद्यालय, पोखर्णीच्या वतीने “जड झाले ओझे” या नाट्य प्रयोगाचे सादरीकरण झाले.
तर स्पर्धेच्या दुसर्या दिवशी दिनांक ११ जानेवारी रोजी ऑक्सफर्ड इंटरनॅशनल स्कूल, नांदेडच्या वतीने “एलियन्स द ग्रेट”, राजाराम काकानी सहकार विद्या मंदिर व कनिष्ठ महाविध्यालय, धर्माबादच्या वतीने “चिऊताई माझ्याशी बोल ना”, शाकुंतल स्कूल फॉर एक्सलंस, नंदेच्या वतीने “वडाळा ब्रिज”, टायनी एंजल्स स्कूल, नांदेडच्या वतीने “करामती पोर”, राजीव गांधी युवा फोरम,
परभणीच्या वतीने “जगण्याचा खो” आणि जिल्ह्य परिषद केंद्रीय प्राथमिक शाळा, फुलकळस, परभणीच्या वतीने “गोष्टीची गोष्ट” या नाट्य प्रयोगाचे सादरीकरण झाले. दोन दिवस चाललेल्या या स्पर्धेस समन्वयक म्हणून दिनेश कवडे यांनी काम पाहिले तर सह समन्वयक म्हणून किरण टाकळे, सुधांशू सामलेट्टी, शेजल क्रीप्लानी, प्राजक्ता बोचकरी, शांती देसाई, सपना वाघमारे यांनी काम पाहिले.
