हिमायतनगर| शहरातील लकडोबा चौक येथील हनुमान मंदिरातून ७० हजार रूपये किंमतीचा एप्लीफायर अज्ञात चोरट्याने चोरून नेला आहे. हि घटना दिनांक ८ रविवारी रात्री साडेसात वाजताच्या दरम्यान घडली आहे.
हिमायतनगर शहरासह ग्रामीण परिसरात गेल्या आठवडा भरापासून संततधार पाऊस कोसळत आहे. पाऊस व अंधाराचा फायदा घेत अज्ञात चोरट्यांनी मंदिरात भगवी शाल पांघरून प्रवेश केला. हनुमान देवाचे दर्शन घेण्याचे नाटक करून ७० हजार रूपये किंमतीचा आहुजा कंपनीचा एप्लीफायर चोरून नेला आहे. हि घटना सीसीटीव्ही कॅमेऱ्यात कैद झाली असून, चोरटा सीसीटीव्ही कॅमेऱ्यात स्पष्टपणे दिसून येत आहे.
दरम्यान सकाळी दर्शनाला आलेल्या भाविकांच्या ही चोरीची बाब लक्षात आली. हिमायतनगर पोलीसांत दिलेल्या माहितीनुसार सकाळी पोलीस घटनास्थळी होवून पंचनामा केला. सीसीटीव्ही कॅमेऱ्याची पाहणी पोलीसांनी केली असून, त्या दिशेने पोलीस तपास करीत आहेत. हिमायतनगर शहरात लागत होत असलेल्या चोरीच्या घटना लक्षात घेता पोलिसांना चोरांचा बंदोबस्त करण्याचे मोठे आव्हान समोर उभे असल्याचे दिसते आहे.
