हिमायतनगर,अनिल मादसवार। नांदेड जिल्ह्यातील हिमायतनगर येथील श्री गोळूसेठ पिंचा व सौ. शारदा पिंचा यांनी घरची हालाकीची परिस्थिती असताना देखील मागील 20 वर्षांपासून अहोरात्र शिलाई काम करून मुलाला शिकविले आहे. त्यांच्या अथक परिश्रम व भावेशची शिक्षणा विषयी असलेली इच्छशक्ती व कठोर परिश्रम घेऊन गेल्या अनेक वर्षेपासून सिएच्या परीक्षेची तयारी केली.आणि औरंगाबाद येथे राहून परिश्रम करत मागील नोव्हेंबर 2023 मध्ये चार्टर्ड अकाउंटंट (CA) ची परीक्षा दिली होती.
मेहनत आणि आई वडिलांचे कष्ट या दोन्ही गोष्टी डोळ्यासमोर ठेवून भावेश पिंचा यांने प्रतिकूल परिस्थितीवर मात करत परीक्षा देऊन चार्टर्ड अकाउंटंट या परीक्षेत यश संपादन केले आहे. नुकताच म्हणजे दि 09 जानेवारी रोजी जाहीर झालेल्या निकालात भावेशचे CA होण्याचे स्वप्न पूर्ण झाले आहे. त्याने मिळविलेल्या यशामुळ आई वडिलांच्या अपेक्षा पूर्ण झाल्या असून, निकाल लागताच कंपनीने जॉबसाठी ऑफर केली असल्याचे भावेश पिंचा यांनी सांगितले आहे.
हिमायतनगर शहरातील भावेश पिंचा या युवकाने मिळविलेल्या यशाबद्दल हिंगोली लोकसभा खासदार हेमंत पाटील, माजी खासदार सुभाष वानखेडे, आ.माधवराव पाटील जवळगावकर, माजी आमदार ओमप्रकाश पोकर्णा, माजी आमदार नागेश पाटील आष्टीकर, शिवसेना जिल्हाप्रमुख बाबुराव कदम कोहळीकर यांच्यासह श्री परमेश्वर मंदीर ट्रस्टचे उपाध्यक्ष महावीरचंद श्रीश्रीमाळ, व्यापारी आशिष जैन, सुमित जैन, जेष्ठ पत्रकार परमेश्वर गोपतवाड, प्रकाश जैन, अशोक अनगुलवार, तालुकाध्यक्ष दत्ता शिराने, गोविंद गोडसेलवार, अनिल मादासवार, सोपान बोंपिलवार, असद मौलाना व सर्व शिक्षणप्रेमी पालक व मित्रमंडळींनी अभिनंदन करत पुढील कार्यासाठी शुभेच्छा दिल्या आहेत.
